Kua tae mai te rongo i runga o nga hau o Puanui
Kua hinga ra koe
Te Totara o Te Wao Tapu nui a Tane
Te Heteri taraokaoka o to ngahere o Te Urewera
Te uri Whakaheke o nga kawai o Mataatua, o Takitimu, o Horouta, o Te Arawa Waka.
Te uri o nga kawai o Tamaikoha, o Kahuki, o Te AhoAho.
Haere ra e te Kura nui, e te Kura roa, e te Kura mai Tawhiti, mai Tata.
Te Toa o Te Whakatane, “i kite ai koe i taku tou rape”
Te kai takatu, te ringa raupa o runga i o Marae,
Te kai tutakitaki i nga ahi o ou wharemate
Te tu matakuru, Te kura mahora.
Hoatu ra ki te Kura ki Hawaiki.
Mau ana te Parekawakawa ki te Pane o Taumata o Hine Aue! Taukuri e.
He Apakura He Apakura aie.
❤️🧡💛David Tauwhitu Hillman💛🧡❤️
🌟🌟24/2/1951 -13/8/2022🌟🌟
Ma to Paharakeke o tapuwae e takahi, to Marae e tu .
Moe okioki mai i roto i nga ringa o to Kaihanga.